Minnerik veke for Svortland skule

Svortland skule, 7. kl opplevde mykje vær og mykje moro i si leirskuleveke. Sjå kva dei opplevde her:

Måndag: På måndag fekk me prøva å stå litt på ski i skileiken. Etter at me hadde stått litt på ski i skileiken så fekk me lapskaus til middag. Og på kvelden såg me på film i peisestova og me spelte spel.

Tysdag: I dag hadde me vårt fyrste morgonmøte. Me lærte om vær og korleis me skal kle oss.Etterpå gjekk gruppe ein  på ein lang skitur i skogen og opp i Breiastølsdalen. Der hadde me masse skileik, brente bål og lagde ostesmørbrød. Tommy lagde hopp til oss i ein bakke. Gruppe to, tre og fire var også  i Breiastølsdalen denne dagen. Dei satte opp lavvo, tente bål og grilla ostesmørbrød. Me stod og mykje på ski der

Onsdag: På onsdag var det kuling, derfor gjekk me til lysløpa for der var det mindre vind. Gruppene satte opp kvar sin lavvo. Deretter leikte me i bakkane: me hoppa, plogde og kjørte gjennom portar på ski. Me brente bål, før me gjekk på skitur i resten av løypa. Me var ute i 5 timar.

Torsdag: På morgonmøte lærte me om  farer i fjellet: skred, utrygg is og førstehjelp. Ute hadde me Orienterings-bingo (O-bingo) på truger. Mat i bålstova og pinnebrød. Skileikar og øving på skiteknikkar fylte denne dagen. På kvelden hadde me fjelldisco.

Fredag: I dag er det heimreisedag. Etter at me har pakka og rydda skal me sjå bildeshow frå veka.

Takk for ei flott veke saman.