Flott haustveke med Skjold skule
september 5, 2025
Minnerik leirskuleveke for Saudaelevane
september 18, 2025
Måndag:
Me kom ein liten gjeng frå Skånevik til Gullingen leirskule. Etter å pakka ut bagasjen vår gjekk me ein liten tur for å bli kjent i området. Nokon av oss bada i Mosvatnet.
Tysdag:
Me blei delt i 2 grupper. Begge gruppene skulle til Mosvatnet. Me både padla kano og rodde i robåt. Me trakk garn og sløya fisken. Den pakka me i folie og grilla på bålet. Etterpå bytta me båtar og kanoar.
Ut på dagen kom ein god gjeng frå Ølen. Me pakka ut bagasjen vår og gjekk ein liten tur i området rundt leirskulen. Me så ikkje så mykje, for det var tett tåke. På slutten av turen bada dei tøffaste i Mosvatnet.
På kvelden prøvde nokon fiskelykka, men fekk ikkje fisk.
Onsdag:
I dag blåste det godt. Alle gruppene dro på tur i skogen. Me lærte litt om ulike plantar, om spor frå istiden. Me fekk også tid til litt leik og buldring. Me lærte å fyre bål. På bålet grilla me nista vår, steikte kanelsnurr og laga kolstifter. På slutten av dagen gjekk me ei orienteringsløype.
Torsdag:
Nok ein vindfull dag på leirskulen, men det var varmt og sol. I dag fekk me velje mellom ulike turar. Ein god gjeng fekk med seg utsikten frå to flotte fjelltoppar. Andre prøvde fiskelykka i fjellvatna, og fekk fisk. Den siste gjengen hadde ein roleg tur i stølsområdet. På slutten av dagen prøvde me bekkevandring. Det var både vått og kjekt!
